الرئيسية » » فيه ناس م الشهد قطفة | سعيد شكري

فيه ناس م الشهد قطفة | سعيد شكري

Written By Unknown on الثلاثاء، 12 مايو 2015 | 5:24 م

فيه ناس م الشهد قطفة
وناس م المر كاس
وناس م الضى أصفى
وناس مالهاش أساس ..!!
الدنيا دى ناس وناس ..!!
وناس تعدى ف ريحك
تتمنى تفضل ف ريحها
وناس تتبت ف ريحك
تتمنى لو ريح تزيحها ..!!
دى ناس مالهاش اساس
الدنيا دى ناس وناس ..!!
وناس تتبت تنبت
تطرح جناين ف بوحك
وناس ف العتمة تلبد
تستنى تطلع بروحك ..!!
دى ناس مالهاش أساس
الدنيا دى ناس وناس ..!!
وناس تزرع وتحصد
وناس تقلع وترمى
وناس تحسب وترصد
وناس م النسمة تحمى ..!!
وناس فوق عين وراس
الدنيا دى ناس وناس ..!!

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.