حالة حب | سعيد شكري

قلب طيب
وانت دايما له قريب
تجرحه وترجع تطيب
داحنا عيشنا الحب حالة ..!!
قلبى ماتعذبش لا لا
وإستحالة
انكر الفرحة اللى ياما
عاشها قلبى
لما يندهلك ... تعالى ..!!
لملم الضحكة اللى تاهت
فوق شفايفى ولونها باهت
رد تانى الروح
لاحلامها اللى فاتت
وانت ساكت ..!!

واعمل ايه والحب سايب
جوه قلبى حنين كبير
مافهمتهوش ..!!
واعمل ايه طول مانت غايب
قلبى دايب
بس مين غيرك يحوش ..؟!!
نظرة شاردة ومالية عينى
ودمع تبت ف الرموش ..!!
كل ده ف الحب عادى
بس لو مريت قصادى
إنما لو غبت عنى
صعب جدا ... مقدروش ..!!