إزرعينى سنبله
......................
زارعك دفا
وبأحصدجفا!
ياغربةالنيل والنخيل..
التوهه واخدانى وتايهه لسه بيا!!
بنده عليكى ماتسمعيش..
صوتى اتنبح
شايفك شبح
والآه جابتنى وسلمتنى للوجع
صبح الوجع..
داخل وخارج م العيون،
وارد يكون حبة حسد
مسوا الجسد؟
ياكل كونى والسكون.
قلبى راقيكى،
ومش لاقيكى ف سِكته
نفسى أشوفك ضحكتين
شارقين على وشوش العيال
خيال ياقلبى.من زماااان
ولا غلبكش ف يوم:فرس
ملعون أبوك يادى الخرس
بتبات سكوت ..تصبح جرس
تفضل تلعلع بالأدان...
سامعين ياناس؟
فيه ديك بيدن ف الخلا
صحاالغيطان...
شرقان حنان يادى القليب
عطشان فَرَحَ
....
سايق عليكى الآوليا:
أوعى تبيعينا ف المزاد
وبلاش تسوقى ف العناد
خلى السواقى تدور..تلف
مُذنب بحبك والقدر.مارضِيش عليا!
سيبى السجر يطرحلى ضِله
بردالشِتا.نخور عضامى..
دم الولاد.لعنه ومرميه ف طريقى
وإن قولت اّه
تفضل تجلجل ضحكة الخاين،
وتنزل فوق دماغى ليل..بارود
سابواالصهاينة وكفرونى
طلعونى حتى من ملل اليهود
...لو جُم قالولك انى مت
ماتزعقيش
علشان بكاكى هو اللى هيعجل وفاتى
عيشى بحبة ذكرياتى
وازرعينى سنبله
أطرح سنابل تحرسك
