يا بنت فوة | سعيد عبد الواحد

Written By هشام الصباحي on الأحد، 21 يونيو 2015 | 4:43 م

يا بنت فوة
---------
يا بنت فوة سحرتينى *** برمش عينك صبتينى
يا مين ياخدنى يودينى *** لأقرب مداوى يداوينى
يا بنت فوة سحرتينى
قابلتها فى ميدان الساعة *** بتشترى راديو وساعة
بصيت عليها انا وجماعه ***فسار قبول بينها وبينى
يا بنت فوة سحرتينى
يا بنت فوة انا غاوى ***المهر فى جيبى غناوى
والقلب مليان بحكاوى *** بكلمه منك تحيينى
يا بنت فوة سحرتينى
يا بنت بلدى انا عاشق *** سهمك فى قلبى بقه راشق
وانا معاكى اتعايق *** على كوبرى فوة تسلينى
يا بنت فوة سحرتينى
غزالة ماشية بتدلع *** ساعة العصارى نورها يولع
عيون الحاسدين هتفرقع *** خمسة عليكى دوبتينى
يا بنت فوة سحرتينى
يا خلق اهوه عينى عليها *** سحرانى حنتها فى اديها
والكحلة تهوس فى عنيها *** حنى عليا وارضينى
يا بنت فوة سحرتينى
لابسه منديل ابو قويه *** والخطوة تسحر يا اخويا
وعيونها عسلية يا بويه *** خلاص بقى مت اروينى
يا بنت فوة سحرتينى