مش عشان انـــــــــا بنت مصيرى اتحط ع الرف
وعشان احقق اى حلــــــم استنى لأخر الصف
مش عشان انـــــــــا بنت يتحجر على احلامى
ويتحكم عليا بالسجن وأحـــــالة اوراقى واتوقف
********************************
لازم تعرفو انا مش ضعيفه ولاجناحى مكســـور
لازم تفهموا انا ليا حياه تتعاش وكيان فى الدنيا
انامش جماد انا انسان من حقى مكنش مقهور
اعيش حياه طبيعيه واحلم واحقق احلامى بأديا
*********************************
مش عشان انا بنت يتحكم على روحى بالنفى
مش عشان انا بنت يأمرونى واقول نعم وحاضر
مش عشان انا بنت يتسلب كل حقوقى بالامر
مش عشان ان بنت اخويا الاصغر يكون عليا قادر
***********************************
من حقى اعيش واحلم ويكونلى راى وكيــــــان
من حقى اكون صاحبة الاختيار ف مـصيـــــــرى
انا بمليون راجل انا مش ضعيفه وده من زمــــان
مــــــــــــــن ايام نبويه موسى وهدى شعراوى
******
مش عشان انـــــــا بنت يتحكم عليا بالاعدام
انـــــــــــــــا هيكون ليا كيان زىِ زى اى انسان
