الرئيسية » » وفرشت ف الشمس ضلى | سعيد شكري

وفرشت ف الشمس ضلى | سعيد شكري

Written By Unknown on الخميس، 14 مايو 2015 | 7:46 م

وفرشت ف الشمس ضلى
وماعدش فيه شئ فاضلى
صبيتى صهدك ف روحى
وضربت رملك وقال لى ..!!
عضعض ف إيدك بنابك
تندم .. ماتندم .. نصيبك
م " الرمح " إيه اللى نابك
غير اللى صبت ف جيبك ..!!
وماعدش فى البال كفاية
وماعدش فى الكاس بقية
مرماح حياتك بداية
وحتعمل إيه ف اللى جاية ..؟!
وماعدش ف العمر باقى
يسد جوع المطامع
لو جف نبع السواقى
هتجيب منين المدامع ..؟!

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.