وأحلم ليه ... ؟!!!
وانا ماسك على عقلى
يا بنت الإيه ..!!!
يافاردة الشوك على السكة
ودسة السم ف الضحكة
لاحضنك حائط المبكى
ولا قلبى اللى يبكى عليه !!!
واحلم ليه ...؟!!!
مادام الحلم كان محتال
ومجنى عليه ...!!!
مربى الدقن للسرة
وباع الحلوة بالمرة
وباع الكل بالمرة
ولو باعنى فاضلك إيه ؟!!!
واحلم ليه ...؟!!!
وانا وولادك المماليك
مانتفقوش
ولا هليب ولابفهم
ف حلق حوش
ولا حلمى اللى مافهمتوس
راح ارضى عليه !!!
واحلم ليه ...؟!!!
وانا من طينك الشقيان
عشان قوتك
وحالف عمره مايفوتك
وانا اللى ف حضنك البردان
مونس روحه بسكوتك
ووقت العوزة كان صوتك ...!!!
وانا اللى ف برك العطشان
يفيض بالدمع يرويكى
وانا اللى ف قلبك الإنسان
يموت لو موته يحيبكى
وانا اللى بحق قولة آه
سألت الله مايوريكى ...!!!
رضيت بالنومة والهدمة
وعيشك حاف
وغمانى العشم فيكى
ولا من شاف
لقيتنى بلف بالساقية
وحبك ناف ...!!!
وانا المنهك باحزانى
فامتعنديش ف ايمانى
بناس من طينك التانى
وتسقينى الوجع اصناف ...!!!
وإيدك لو قصيرة قيراط
انا قلبى جعان فدان
ياتاخدى الكل تحت الباط
ياترمى الكل للاحزان
انا مش طالب المنة
انا طالب يادوب إنصاف ...!!!
بلاش الحفر ع الناشف
بلاش الكفتة والأحلام
وماتاجريش باوجاعى
بدون داعى
وزى ماعيشتى بتراعى
كلاب السلطة والسلطان
شوفيلك حل ف الإنسان ...!!!
وانا ماسك على عقلى
يا بنت الإيه ..!!!
يافاردة الشوك على السكة
ودسة السم ف الضحكة
لاحضنك حائط المبكى
ولا قلبى اللى يبكى عليه !!!
واحلم ليه ...؟!!!
مادام الحلم كان محتال
ومجنى عليه ...!!!
مربى الدقن للسرة
وباع الحلوة بالمرة
وباع الكل بالمرة
ولو باعنى فاضلك إيه ؟!!!
واحلم ليه ...؟!!!
وانا وولادك المماليك
مانتفقوش
ولا هليب ولابفهم
ف حلق حوش
ولا حلمى اللى مافهمتوس
راح ارضى عليه !!!
واحلم ليه ...؟!!!
وانا من طينك الشقيان
عشان قوتك
وحالف عمره مايفوتك
وانا اللى ف حضنك البردان
مونس روحه بسكوتك
ووقت العوزة كان صوتك ...!!!
وانا اللى ف برك العطشان
يفيض بالدمع يرويكى
وانا اللى ف قلبك الإنسان
يموت لو موته يحيبكى
وانا اللى بحق قولة آه
سألت الله مايوريكى ...!!!
رضيت بالنومة والهدمة
وعيشك حاف
وغمانى العشم فيكى
ولا من شاف
لقيتنى بلف بالساقية
وحبك ناف ...!!!
وانا المنهك باحزانى
فامتعنديش ف ايمانى
بناس من طينك التانى
وتسقينى الوجع اصناف ...!!!
وإيدك لو قصيرة قيراط
انا قلبى جعان فدان
ياتاخدى الكل تحت الباط
ياترمى الكل للاحزان
انا مش طالب المنة
انا طالب يادوب إنصاف ...!!!
بلاش الحفر ع الناشف
بلاش الكفتة والأحلام
وماتاجريش باوجاعى
بدون داعى
وزى ماعيشتى بتراعى
كلاب السلطة والسلطان
شوفيلك حل ف الإنسان ...!!!
